Irripar batez agurtu da San Antonio!

Pozik egoteko moduan dira ereñotzuarrak. Bukatu dira au­zoko festak, bai; baina mo­durik onenean eman zieten bukaera, atzokoan. Eguraldi ede­rrarekin eta egunaz gozatuz, irripar batekin agurtu zen San Antonio, datorren urtera arte. Giro polita nagusitu zen auzoan, goizeko zein arratsaldeko ekintzetan.
Pelota partiduekin hasi zuten eguna, eta neskak izan ziren frontoira ateratzen au­rre­nekoak. Lehia estua bezain polita eskaini zieten ikusleei, eta Patri Espinar eta Maider Mendizabal nagusitu ziren azkenean. Mutilen partiduare­kin batera, sagardoaz eta pin­txoez ere gozatu zuten bertara­tuek, eguerdi partean. Eta arra­tsaldean, bertso jaialdiak jarri zuen jaien azken traka.