Goizuetar eta aranoarrak bat eginda, Giza Katean

Gure Esku Dagok antolatuta, erabakitzeko eskubidearen aldeko giza-katea egin zuten aurreko igandean 175.000 lagunek, Donostiatik hasi, eta Gasteizeko Eusko Legebiltzarreko ateraino. Bertan izan ziren, baita ere, Goizuetako eta Aranoko herritarrak; Nafarroatik pasa ez, eta Zarautzen hartu zuten parte haiek, 24garren kilometroan. Beraientzat propio ateratako kamixeta eta zapi gorriak jantzi zituzten. Alda­rrikape­nerako tartea ere aprobetxatu zuten, Altsasuko auzipetuen aldeko pankarta ateraz.