Xabier Mikel Azparren txirrindulari astigartar-donostiarrak erlojuz kontrako Gipuzkoako Txapelketa-Gervais Memoriala irabazi zuen, asteazkenean, Aizarnazabalen. Azparren 23 urtez azpiko txirrindularia Ampo taldean dabil. Pasa den urtean Espainiako txapeldun izan zen eta Europako txapelketan aritu zen.
Gipuzkoako txapelketa 23 segundoko aldearekin irabazi zuen pasa den urteko txapeldun eta bere taldekide den Xabi Murgiondoren aurretik. Hirugarren sailkatu zen Mikel Mujika (Energias Eibar) 25 segundora. Gervais Memoriala lasterketarik entzutetsuenetakoa da Gipuzkoa mailan eta juniorretan ere korritzen da.
Alebin neskak eta mutilak podiumera, Zumaian
Astigarragako Herri Eskolako txirrindulari alebinak Zumaiako Sari Nagusian ibili ziren eta bai neska eta bai mutiletan podiumera igo ziren.
Amets Goikoetxeak bigarren amaitu zuen eta aurretik Elizatxo Ikastolako Intza Navarro sailkatu zen eta hirugarren Langile ikastolako Ane Santa Kruz.
Eneko Indok hirugarren amaitu zuen mutiletan eta Eneko Oliveira laugarren geratu zen, Pablo Austinek irabazitako lasterketa batean.
Amets Goikoetxea eta Eneko Indo podiumera igo ziren Zumaian
Enekoitz Azparren eta Romero aurreko postuetan, kadeteetan
Kadeteak Lizarra eta Oñatin aritu ziren larunbata eta igandean. Enekoitz Azparren eta Jaime Romero aurreko postuetan ibili ziren bi lasterketetan. Lizarran zazpigarren eta 14garren amaitu zuten eta Oñatin zortzigarren eta 28garren.
Juniorretan Telmo Semperena podiumeko lehenengo postura igo zen taldeka, Donosti Berrik hirugarrenez irabazi bait zuen Zumaian.
Alebin eta infantilek bihar MTB-n Gipuzkoako txapelketa dute Pasai San Pedron
Gipuzkoako eta Euskadiko txapelketak asteburuan
Txirrindularitzako denboraldia amaitzen ari da alebin, infantil eta juniorretan.
Txikienek azken aurreko froga dute gaur Lezon eta bihar MTB modalitatean Gipuzkoako txapelketa izango dute Pasai San Pedron. Kadeteek Gipuzkoako txapelketak dituzte, Zestoan eta Bergaran, errepidean eta erlojuz kontra.
Juniorrek ere Gipuzkoakoa dute, bihar, Eibarren eta 23 urtez azpikoek Euskadiko txapelketa Seguran, gaur bertan.