Urteko egunik politenetakoa biziko dute gaur pelota eskolako pelotariek Hernaniko frontoian. Benjamin, alebin eta infantil mailako 48 pelotarik hartu dute parte Pelota Eskolako Torneoan eta azken hamar partiduak gaur jokatuko dira. Bost partidu hirugarren eta laugarren postukoak izango dira eta beste bost partiduak finalak izango dira. Benjaminetan eta alebinetan bi final jokatuko dira eta bakarra infantiletan. Mattin Arluziaga eta Oier Garaiar neurtuko dira lau t’erdiren barruan. Beste lau finalak binaka izango dira. Behin finalak amaitu eta gero denboraldiari bukaera emango zaio txapela, trofeoak eta sarien banaketarekin.
Bihar, Berria Txapelketako finalerdia
Hernaniko frontoian bihar, 11:00etan, Berria Txapelketako finalerdietako bat jokatuko da. Lazkaoko Lapke eta Iruñeako Oberenak neurtuko dituzte indarrak.