Pasa den asteburuan egin zuten ikasturte amaierako festa, bai Elizatxo ikastolan eta baita Inmakulada ikastetxean ere. Aurrenekoan, Mila Kolore izan zuten jaialdiko gaia, eta horrela, munduko hainbat dantza eta musikarekin gozarazi zituzten guraso eta lagunak, ikasleen ikuskizunean. Gainera, Elizatxoko kantua ere estreinatu zuten, Iñigo Legorbururen letrak eta Xabier eta Kistiñe Solano anai-arreben musikarekin. Era berean, omenaldiak egin zizkieten Fernando Ederrari, Marijo Peñari eta Mikel Valdivia Txapeteri. Inmakulada ikastetxean ere, ez zen omenaldirik falta izan, eta jaialdiko festa giroan, graduatu berriak omendu zituzten ikasle gazteagoek.