Ramadan torneoa, festa giroan elkartzeko

Atawafok elkarteak hainbat ekitaldi antolatu ditu Ramadan garai honetan, elkartasun giroan gozatzeko. Horietako bat izan da Ramadan futbol torneoa. Lau taldek hartu dute parte, bi egunetan, Karabelen egin den txapelketan, eta Altzako taldea izan da irabazlea. Bigarrena izan da Atawafok; hirugarrena, Erren­teria; eta laugarrena, Bilal Hernani. Emaitzaren gainetik, giro ona eta elkartasuna izan dira nagusi.