Gaur goizeko 11:00k aldera kea ateratzen zela ikusi dute Kale Nagusiaren eta Tilosetaren artean dagoen Joxe Mari tabernatik. Tilosetara ematen duen ke-irteerarako hesitik ateratzen zen kea, hain zuzen.
Berehala gerturatu dira bertara suhiltzaileen kamioia, ertzaintza eta udaltzaingoa. Baita udal ordezkariak ere. Ez dute surik topatu, eta kearen iturria zein den jakiteko azterketa egiten geratu dira suhiltzaileak. Dena den, ez da kalterik izan, eta erre usaina zabaldu bada ere, ez dago arriskurik.