Sorpresa eta guzti, txapelak txapeldunei

Atzo jokatu zuten, Tilos 7 Pasa txapelketako azkeneko finala, lehenengo mailakoa; larunba­teko euriagatik atzeratu zena, hain justu. Eta atzokoan ere, aurreko bi finaletan bezala, ezustekoa izan zen.
Elejalde eta Navarro donos­tiarrek ira­ba­zi zuten, partidu eder bezain estuan, Salaberria eta Zubi­men­­di faboritoen kon­tra (22-21). Atzetik joan ziren par­tidu oso­an, eta azken-az­ke­nean eman zioten buelta. Hori horrela, Aiheko Zubimendi her­na­nia­rrak ezin izan zuen jan­tzi bos­garren txapela jarraian.
Ezustekoa izan zen, baita ere, larunbat goizean jokatu ziren bi finaletan. Nesketan, Alaitz eta Idoia ama-alabak zi­ren faborito, aurreko bi urtee­tako txapeldunak; baina sor­presa eman zuten Ekhiñe eta Garazi gazteek, 22-16 irabazita.
Eta bigarren mailako fina­le­an, Agirre eta Mendigain izan ziren sorpresa eman zutenak. Final orekatua espero zen, bai­na Eskudero eta Beloki ziren faborito. Txapela, ordea, Agirrek eta Mendigainek jantzi zuten, 22-17 irabazi ondoren.
Atzo banatu zizkieten sari­ak, txapelketako sei bikote fi­nalistei, azke­ne­ko final bo­rro­katuaren ondoren.