Maiatzaren hasieran eman zieten hasiera Astigarragako aurrekontu parte-hartzaileei; 100.000 euro utzi zituen Udalak, herritarren esku. Maiatzaren 21era arte izan zuten aukera astigartarrak ideiak eta proposamenak luzatzeko, eta orain, erabakitzeko aukera iritsi da.
Horretarako, bilera teknikoa egingo dute; asteazkenean izango da, arratsaldeko 19:00etatik aurrera, udaletxeko areto nagusian.
Bigarren fasea, proiektuak erabakitzeko
Ideiak jaso ondoren, bigarren faseari ekingo diote horrela, bilera teknikoarekin. Izan ere, bertan azaltzen diren aukeren artean bozkatu ahal izango dute herritarrek, Udal aurrekontuko 100.000 euro zertan gastatu erabakitzeko.