Tilos 7 Pasako finalak gaur jokatuko dira Tilosetako frontoian. Aurten finalak gainera goizez jokatuko dira. 11:00etan bigarren mailakoa hasiko da; Agirre-Mendigain, Eskudero-Belokiren aurka da finala. Ondoren, 12:00etan nesken finala jokatuko dute Idoia eta Alaitz, Ekhiñe eta Garaziren aurka. Eta amaitzeko 13:00etan lehenengo mailan Zubimendi eta Salaberria, Elejalde eta Navarroren aurka ariko dira.
Izugarrizko maila egon da aurten bigarren mailan eta final oso orekatua espero da. Eskudero–Beloki bikote indartxua da faborito.
Nesketan, berriz ere Alaitz-Idoia ama alabak iritsi dira finalera eta faboritoak dira noski hirugarren txapela jarraian irabazteko. Baino kontuz aurkariekin, Hernaniar Pelotari Gazteeen belaunaldi berriaren adierazle dira Eñhiñe eta Garazi gazteak
Zubimendi eta Salaberria, faborito
Lehenengo mailan bosgarren aldiz jarraian izango da Zubimendi finalean bosgarren txapelaren bila. Atzelari finak Astigarragako Salaberria du aurrelari. Paperean faborito dira Elejalde eta Navarroren aurka. Donostiarrak oso bikote sendoa dira. Biak dira artistak, Elejalde ezkerra aurrean eta Navarro atzean.