Bigarrenez jokatuko dute gaur, Landaren, errugbi Txapelketa Barneratzailea, aste osoko egitaraua borobiltzeko. Goizeko 10:00etan hasiko da, eta bost taldek hartuko dute parte azkenean: Universitario Bilbao, Gaztedi, Getxo, El Salvador eta Hernani. Espero ziren bi talde frantsesek, ezin izan dute etorri.
Goizeko 09:00etan egingo diete harrera, eta 10:00etatik 12:30etara jokatuko dira goizeko partiduak; bazkaria egingo dute gero. Arratsaldekoak, berriz, 14:30etatik 18:00etara izango dira, eta ondoren, Garagardo Azokara mugituko dira, hirugarren denbora egiteko. 20:00etan kalejira egingo dute herrian, eta 21:30etan bueltatuko dira Garagardo Azokara, sariak banatu eta txapelketaren amaierako ekitaldia egiteko.