Maiatzeko azken asteburua ondo baino hobeto borobildu du Iñigo Legorburu hernaniartuak. Izan ere, asteburu bakarrean hiru literatura sari jaso ditu; bakoitza genero desberdinekoa, gainera: bertsopaperetan bat, narrazioan bestea eta poesian hirugarrena.
Irabazle eta finalista
Hiru lehiaketetaik bi irabazi egin ditu Legorburuk, eta hirugarrenean finalista izan da.
Aurrena, XIV. Iurretako literatura lehiaketako saria jaso zuen. Irabazle atera zen bertsopaperen atalean Eliteko ama sortarekin. «Ama eta aldi berean arraunlaria den emakume baten gorabeherak azaltzen ditu, amatasuna eta eliteko kirola uztartzen zein zaila den» azaltzeko. Bere atzetik, aipamen berezia Jon Martin oiartzuarrak jaso zuen, Siriatik lanarengatik.
Gero, Miranda de Argako Euskararen Lagunak elkarteak antolatutako XI. Erdialde narrazio lehiaketako irabazle atera zen, Hur besoetakoa lanarekin. Bigarren, Mari Joxe Azurtza donostiarra izan zen, Soinekoa lanarekin.
Azkenik, Barakaldoko XIV. Jose Maria Portell literatura lehiaketan, poesia alorrean finalista gelditzea lortu zuen Iñigo Legorburuk, Gu haiek lanarekin.