Oinarri historikoa daukan jokoa osatuko dute ostiraletik astigartarrek: Auka Jokoa. Urkiri Salaberria ikerlariak gidatuta, lau saio egingo dituzte, haur eta helduentzat.
Kultur etxean izango dira lauak, egun desberdinetan, Aurrenekoa ostiralean izango da, goizeko 09:30etan hasita, euskeraz.
Bigarrena, hilaren 12an, asteartez, arratsaldeko 17:30etan hasita, elebietan.
Eta azkeneko biak, aldiz, hilaren 21ean izango dira; euskerazkoa goizez, 09:30etan, eta elebiduna arratsaldez, 17:30etatik aurrera.
Astigarragako ondarea aztertu, ezagutu eta zabaltzeko aukera emango du jokoak.
Donejakue bidearekin lotura
Auka Jokoa Donejakue bidearekin lotura duen mahai-jokoa da, bizitza ulertzeko sortu zena.
Udaletik azaldu dutenaren arabera, «mendeetan zehar berregin izan da, eta haurrak eta helduak batzen dira bere inguruan».
Hain zuen, familian, lagunartean... aritzeko denbora pasa ederra da, eta gainera, gure historia, ondare materiala eta ez-materiala ezagutzeko aukera eskaintzen du.
Eta hori aprobetxatuko dute Astigarragako ondarea aztertzeko, ezagutzeko eta zabaltzeko.