Urteko Batzar Nagusia egin zuen maiatzaren 22an Dobera Euskara Elkarteak. 2017ko kontuak eta memoriak aurkeztu ziren aurrena.
Ondoren, 2018rako egitasmo berriak aurkeztu ziren. 2016 eta 2017an martxan jarritako egitasmoek segida izango dute eta gainera bost ildo berri jarriko dira martxan. Ahozkotasuna; Hernaniko Hitanoaren taula laster denon eskura egongo da. Kultur ekimenak; kultur ekimenak indartu eta sustatuko dira. Doberaren 25. urteurrena; ospakizuna prestatzen hasiko dira. Webgune eta logo berria; laster jarriko dira martxan. Eta Ikus-entzunezkoak; komunikazioaren arloan, linea berri bat sortu nahi da.
Umeentzako aldizkaria martxan, laster
Kronikari dagokionez irakurle gazteen segmentua indartzeko proiektuak aurkeztu ziren; umeen aldizkaria sortuko da besteak beste.
Kuota lehenengo aldiz igo da azken 11 urtetan
Urte asko dira (2007 urtetik) bazkidetza kuota igotzen ez zela eta beharra ikusita, Doberak, kuota 40 eurotara igotzea erabaki zen.