Berriak Merkatari eta Ostalari elkarteak kanpaina berria jarri du martxan: ekainaren 17ra arte, erosketak egiteko Hernani Txartela erabiliz gero, erosketa doan egiteko aukera irabazi ahal izango da.
«Merkataritza jarduera bultzatzea eta hernaniarren kontsumoa sustatzea» dira kanpaina honen helburua.
Hernani Txartela visa, parte hartzeko
Kanpainan parte hartzeko, Hernani Txartela visarekin egin beharko da erosketa, eta erosketa tiketan agertuko da saria, zorteak laguntzen badu: erosketa debalde aterako da, kasu horretan. «Ekainean, Hernaniko dendetan erosteak abantailak dauzka!», diote.
Hernani Txartelak bi formatu dauzka: identifikatzekoa da bat, eta finantzarioa (visa), bestea. Aurrenekoa, liburutegian edota kiroldegian sartzeko ere erabiltzen da. Bigarrenaren kasuan, horrez gain, erosketak egiteko erabili daiteke, debaldeko asegurua dauka, interesik gabe egin daitezke ordainketak zatika... Eta dena, debalde. Elkarteko dendetan eskuratu daiteke txartela.