Final erdietara sailkatzea Gipuzkoako Herriarteko Txa-pelketan zail jarri zaio Hernaniri final laurdenetako joaneko partiduetan 1-2 galdu ondoren, Azkoitiaren aurka.
Lehia estua espero zen bi herrien artean, baina kadete eta jubeniletan azkoitiarrak nagusi izan ziren. Kadeteetan azkoitiarrek nahiko erraz irabazi zuten 11-22. Unax Huitzi eta Mikel Lasa ziren Hernaniko ordezkariak eta Mikel Aranbarri eta Joritz Astigarraga azkoitiarren bikotea. Jubeniletan ere jaun eta jabe izan ziren kanpokoak. Honela, Jon Oteizak eta Jagoba Urangak 13-22 irabazi zieten Xabier Salaberria eta Ekaitz Insaustiri. 0-2 jarri ziren markagailuan eta kanporaketa maldan gora zegoen. Nagusien mailan etorri zen Hernaniren puntu bakarra. Paul Ojuel eta Eneko Azpitartek 22-7 irabazi zuten 1-2koa jarriz.
Tanteoa ere aurka dute hernaniarrek 46-51.
Bi partidu irabazi behar dira derrigorrez
Datorren asteko ostiralean jokatuko da bueltakoa Azkoitin, Gurea pelotalekuan. Hernanik final erdietan egon nahi baldin badu bi partidu irabazi beharra ditu derrigorrez. Hori lortu ezkero eta tanteoa ikusita, sailkatzeko aukerak lituzke. Baina, egia esan, Hernaniko frontoian gertatu dena esanguratsua da eta oso zaila dute hurrengo kanporaketara sailkatzea.