Estreinaldi gaua izango da gaurkoa, Hernaniko Gazte Olinpiaden barruan. Parte hartzen ari diren taldeek, binaka, film labur bana egin dute, eta gaur ikusi ahal izango dira denak, 22:00etan, Plazan; guztira, 10. Horietatik zeinek irabaziko ote du Urrezko Iturria sari preziatua?
Sorpresak, aurretik ere
Filmak jartzen 22:00etan hasiko badira ere, antolatzaileek jakinarazi dute aurretik ere ez dela girorik faltako; 20:30etatik aurrera pintxo-potea izango da.
Era berean, mozorrotuta joateko deia ere egin dute, eta baita lagun eta senideak gonbidatzekoa ere, sorpresarik ez baita faltako.
Ekainaren 16an, bazkaria
Ereñotzun, ekainaren 16an, bazkaria egingo da Olinpiadetako azken egunean, eta txartelak salgai daude, astelehenera arte, Zintzarri, Garin edo Goiz Argin. Haragi paella edo barazki paellaren artean aukeratu behar da.