Azken eguna da gaur, Hernani Erabaki aurrekontu parte-hartzaileetan txertatzeko egin diren proposamenen artean lehentasunak jarri, eta aurrera zerk egingo duen erabakitzeko. Udaletexean jarri da zita, 19:00etan, eta haur zaintza zerbitzua jarriko da.
Gaurkoan aztertuko diren proposamenak gai hauekin lotutakoak izango dira: Hirigintza, Herri lanak, Herri mobiliarioa, Kultura, Ondarea, Musika, Partaidetza, Hezkuntza eta Heziketa, eta auzoetarako proposamenak.
375 proposamenetatik, 100
Guztira 379 proposamen egin dira aurten, prozesuan, eta guztiak ikusi daitezke interneten: erabaki.hernani.eus.
Horietatik, 100 lehenetsiko dira; 50 lehenetsi ziren lehengo asteko bi saioetan, eta beste 50, atzo eta gaurko saioetan. Aurrera egiten dutenek jasoko dute balorazio teknikoa, eta bozketa, uda ondoren egingo da.