Iturola, Hernaniko elkarlan sorguneko inaugurazio jaialdia egingo da gaur. Bertan, Beterri-Buruntza udalek eta Iturolako komunitateak posible egin duten espazioa ezagutzeko aukera izango da eta herriko eragile desberdinak ere Iturolako sarearen parte direnez herritar eta elkarte desberdinak daude gonbidatuak inaugurazio saiora.
Goizean, Floridan inaugurazioa
Iturola elkarlan sorgunea Florida auzoko 28garren zenbakian dago kokatua eta egun osoko egitaraua antolatu dute.
Goizean, 10:00etan, aurkezpen edo inaugurazio ekitaldia egingo da eta arratsaldean jai giroan Iturola eta Iturolatarrak ezaguzeko aukera izango da. 17:00etan ate irekiak eta bisita gidatua egingo da, 18:00etan La Jodedera taldearen kontzertua dago eta arratsalde osoan zehar umeentzako tailerrak eta photocall-a jarriko dira.