Herriarteko final laurdenak bihar jokatuko dira, 19:30etan, Hernanin. Joaneko hiru partiduetan Hernani eta Azkoitia neurtuko dira; horregatik, herriko pelotariek jendearen bultzada nahi dute eta kiroldegiko frontoira hurbiltzea eskatu dute. Izan ere, Azkoitia aurkari oso gogorra da.
Emaitza on bat lortu nahi dute itzulerakoan lasaiago ibiltzeko. Unax Uitzi eta Mikel Lasa ariko dira kadete mailan, eta Xabier Salaberria eta Ekaitz Insausti jubeniletan. Bost pelotari daude nagusietan eta edozeinek jokatu dezake: Paul Ojuel edo Ioritz Arrietak aurrelari gisa, eta Aitor Gorrotxategi, Markel Lizeaga edo Eneko Aizpitartek atzelari bezala.
Buelta eman beharra, palan
Eskuzkoa amaitu eta gero, gomazko paletan itzulerako hiru partiduak jokatuko dituzte hernaniarrek, 22:00etan. Hauek ere Azkoitia dute aurkari. 2-1eko emaitzari eman behar diote buelta finalerdietara pasatzeko.