Larunbatean ospatuko dute, Astigarragako Herri Eskolako ikasle, irakasle eta gurasoek, ikasturtea bukatzera doala. Foru Plazan elkartuta, ikasturte bukaerako festa egingo dute, 10:00etan hasita. Egun osoko plana prestatu dute, bazkari eta guzti. Bertan bazkaltzeko txartelak, dagoeneko salgai daude, Herri Eskolan bertan, Ikatza tabernan eta Pastain dendan.
HERRI ESKOLAKO IKASTURTE BUKAERAKO FESTA
Ekainak 2, Foru Plazan
10:00etan, Aurpegia margotzeko txokoa eta jolasak, eta LH3, 4, 5 eta 6 mailako ikasleentzako olinpiadak. Txomiñene frontoian, judo erakustaldia eta sormen tailerra.
11:00etan, Ikasleen dantza emanaldia, Txomiñene frontoian.
12:00etan, HH eta LH1 ikasleentzako familia krosa (haur bakoitza heldu batekin), eta jarraian, LH2, 3, 4, 5 eta 6 mailakoen krosa.
14:00etan, Bazkaria. Txartelak salgai, ikastolan, Ikatza tabernan eta Pastain dendan.
16:00etan, Haur eta gurasoen emanaldiak, eta ondoren, disko festa eta barrene herrikoia.
18:00etan, Apar festa.
*Taberna jarriko dute, Arantzazuko Ama BHIko ikasleek.