Gaur egingo du maiatzeko ohiko plenoa, Astigarragako Udalak; eguerdiko 13:30etan, udaletxeko areto nagusian.
16 puntuko gai-ordena daukate lantzeko, eta besteak beste, bozkatuko dute onartzea, kultur etxe berriaren eraikuntza proiektua. Horren aurretik, bozkatuko dute baita ere, Garbitania Zero Zabor sozietate publikoa uztea, 2017-2019 dirulaguntzen Plan Estrategikoan aldaketa bat egitea, Radarrak izeneko datu-fitxategia sortzea, edota Udalaren eraikin, egoitza eta instalazioak eta ikastetxeak garbitzeko kontratua luzatzea.
Ondoren, Urumeako ibai-parkearen izena ere bozkatuko dute, eta baita 2019ko herriko jaiaren izendapena ere.
Eta bukatzeko, galdera eta erreguen aurretik, hiru mozio eztabaidatuko dituzte plenoan. EH Bilduk aurkeztutakoak dira bi: mendekotasun prestazioen murrizketen ingurukoa, eta transfobia, lesbofobia eta homofobiaren kontrako egunarena. Eta Astigarragako Gure Esku Dagorena hirugarrena.