KULTURA hausnarketaren ondorioak, helburuak eta planifikazioa definitzea aurkeztu ziren Biterin pasa den astean. Prozesua luzea izan da; diagnostikoa adostu, diagnostikotik abiatuta helburuak zehaztu eta helburuak lortzeko ekintzak proposatu behar bait ziren. Ekintza planaren printzipioak zehaztu dira eta azkenean sei ardatz estrategiko jarri dira eta horren inguruan 35 helburu eta 68 ekintza definitu dira.
Helburu eta ekintza horiek epe motz (1-3 urte), ertain (4-6 urte) eta luzean (7-10 urte) egitekoak dira ekintza bakoitzaren arduraduna eta adierazleak zehaztuta. Hurrengo urratsak zein izan behar duten ere esan ziren: kultur batzordea eta kultur mahaia sortzea eta horretarako beste herrietan dauden eredu batzuk aurkeztu ziren. Hernanik berea sortu beharko luke.
Sei erronka estrategikoak ondorengoak dira: Kultura, herri biziaren hauspoa; sormena, kulturgintzaren ardatza; elkarlana, lanerako kultura; aniztasuna, nortasunaren ikur; hernaniarrak, kulturaz jantziak; eta kulturaren plaza: azpiegiturak eta baliabideak.
Estrategi bakoitzak bere helburu kopuruak eta ekintza kopuruak ditu.
Kulturaren plaza: Azpiegitura eta baliabideak
Seigarren ildo estrategikoa benetan esanguratsua da azpiegiturez eta baliabideez hitzegiten bait da. Bertan liburutegiaren izaera egokitu, eta leku premiei erantzun behar zaie. Baita Musika Eskolaren leku premieri erantzuna eman. Ave Maria sorkuntzaren inguruko espazio bihurtzeko erabilerak definitu eta proiektuak garatu behar dira. Sandiusterri ere egokitu musika eta dantza espazio gisa. Artxiboaren kokapen berria landu (harrobiaren aparkalekuan etxeak doaz eta bertako lokal batean jarri) da. Azpiegiturak hobetzeko inbertsio -lana osatuko da: Biteri, Atsegindegi, Milagrosa... dagoeneko dirua gordeta dago eta aurreproiektua aurkeztu zen. Auditorioaren inguruan eta arte plastikoen inguruko lanketa ere egin behar da.
1.720.000 euro aurreikusten dira kulturarako
2017ko ekitaldia itxi eta likidazioaren berri eman zuen Udal gobernuak apirileko plenoan; hura positiboa izan dela adierazi zuten eta gerakin erabilgarria, 4.877.747 eurokoa da. Hain zuzen, kultura arloa izango da onuradun nagusietako bat; denera, 1.720.000 euro aurreikusten dituzte kultur sorkuntza eta herri mugimenduak bultzatzeko. Alde batetik, Ave Maria etxea sorkuntza-gune bilakatzeko aukera aztertuko da (800.000 euro), Bizi Kultura Hernanin hausnarketa-prozesuan kultur sorkuntza baten beharra ondorioztatu delako. Bestetik, Sandiusterri eraberrituko da musika eta dantzaren gune izan dadin, baita Milagrosa kapera ere.
Sormen kultura, anitza, elkarlana eta kulturaz jantziak
Euskal Herriko eta euskarazko produkzioari leku nabarmena ematea, elkarteen zein Udalaren programazioan berrikuntzak txertatzea eta kalitate-irizpideak lantzea dira lehenengo erronkaren hiru helburuak.
Sormena, kulturgintzaren ardatza bezela ikusten da eta hemen programak eta politikak zehaztea aurreikusten da; leku mabarmena emanez hasiberriei eta euskarazko lanei esaterako.
Eragileen eta Udalaren arteko koordinazio gunea bultzatu nahi da, baita Udaleko sailen artean ere. Tramitazioak erraztu, gazteentzako eskaintza landu, auzoekin, inguruko herriekin... publiko berriengana iristeko eskaintza eta estrategiak pentsatu, kultur transmisioan eta komunikazioan eragin, herritar kritikoak eta aktiboak izateko baliabideak eskaini, aniztasuna bultzatu kulturaren bitartez... helburuak eta ekintzak desberdinak daude.
Eta kultur mahairako ereduen artean plazaratu ziren Berakoa, Azpeitikoa eta oraindik martxan ez dagoen Zarauzkoa.