Hernanik erraz menderatu zuen Altzo final zortzirenetan eta Gipuzkoako Herriarteko txapelketako final laurdenetara sailkatu da eskuz. Joanekoan 1-2 nagusitu zen Hernani eta itzulerakoan berriz hiru partiduak irabazi zituen kiroldegiko frontoian. Beraz, azken emaitza 5-1 izan da. Kadeteetan Unax Huitzi eta Mikel Lasak 22-13 gainditu zituzten Artola eta Uzkudun. Jubeniletan Xabier Salaberriak eta Ekaitz Insaustik 22-11 gainditu zituzten Zubeldia II eta Olano eta seniorretan Ioritz Arrieta eta Eneko Aizpitartek 22-11 garaitu zituzten Zubeldia eta Aizpitarte.
Hurrengo aurkaria ez da nolanahikoa izango. Final laurdenetan Azkoitiren kontra jokatu beharko dute hernaniarrek. Herriartekoan eta Gipuzkoako eskuzko pelotan erregerik izan bada, hori Azkoitia da dudarik gabe. Txapeldun, txapela eta Herriarteko gehien irabazi duen herria da. Beti izaten da aurkari gogorra. Final zortzirenetan 5-1 kanporatu du Donostia.
Hala ere, Hernanik ere talde sendoa du eta ez dago faborito argirik.
2-1 galdu dute palaz joanekoan, Azkoitin
Azkoitia da, hain zuzen, Hernaniren aurkaria, final laurdenetan, Herriarteko Txapelketan, gomazko paleta modalitatean. Pasa den astean hasi zen kanporaketa Gurea frontoian eta joanekoan Azkoitiak 2-1 garaitu zuen Hernani. Tanteoa, nahiz eta galdu, Hernaniren aldekoa izan da 49-48, eta binakakoa batengatik bakarrik galdu zuten.