Buruz Buruko Txapelketaren finala jokatuko du Aimar Olaizola goizuetarrak hurrengo larunbatean, gaur zortzi, hamargarrenez. Hilaren 27an jokatuko du Altuna IIIren kontra, arratsaldeko 17:00etatik aurrera, Bilboko Bizkaia pilotalekuan.
Elezkano IIri garaituta
Aurreko asteko finalerdian 22-13 garaitu zitzaion Olaizola IIa Elezkano IIri, Iruñeako Labrit pelotalekuan izan zen hori. Altuna IIIk aldiz, 17-22 irabazi zion Ezkurdiari. Hortaz, aurrez aurre ikusiko dute elkar hurrengo asteko finalean.
Aurretik, Hernaniko Pelotadendan
Finalerako txartela lortuta, Hernaniko Pelotadenda bisitatu zuen Aimar Olaizola goizuetarrak, haren emaztearekin eta bi semeekin. Bezeroek aprobetxatu zuten zoriontzeko eta argazkiak eta autografoak jasotzeko.