Escuela Profesional Obrera (EPO) Karmelo Labakak 1948an sortu eta gero ibilbide luzea egin du Lanbide Hezkuntzan. Hezkuntzaren barruan gertaturiko aldaketa batzuen ondoren Lanbide Heziketa Integratua sortu zen eta ordundik Gizarte Berrikuntzarako LHII izena hartu zuen. Hernanin Lanbide Hezkuntza eskaintzen duen ikastetxe publikoa da. Publikoa, euskalduna eta eleanitza kulturartekotasunaren suspertzailea, laikoa, hezikidetzailea, inklusiboa eta aniztuna, lanerako atea dena eta parte hartzea bultzatzen duen ikastetxea da.
Lan mundura irteera
duen eskaintza
Hernaniko Lanbide Heziketak zikloetako hiru mailetan eskaintzen ditu zikloak D, B eta A ereduetan. Oinarrizko Lanbide Heziketa, Erdi Mailako Zikloak eta Goi Mailako Zikloak eskaintzen dira.
Bere ezaugarri nagusietako bat talde txikiekin irakasle eta ikasleen artean lortzen den hurbiltasuna da. Hernanin industria da jarduera ekonomiko nagusia eta askotariko produkzioko enpresez osatua dago. Horrek praktikaldia gertuko enpresetan egitea suposatzen du eta gainera praktikaldia atzerrian burutzeko aukera eskaintzen da.
Ikasketa DUALa da gainera, zikloaren ikasketa osatu aldi berean enpresa batean lan eginez. Lanbide irteera izaten ari diren ikasketak dira. Eskaintza partziala ere badago lanean daudenentzako aproposa, arratsaldez. Heziketa-Zikloa ikasgaika matrikulatzeko aukera ematen du eta denborarekin aurrera atera daiteke. Ondo prestaturiko ikasleak bermatzen dira eta gizarteak behar dituen behar profesionalei erantzuna ematen die.