Udara bizikletentzako izaten omen da, baina udaberria bezelakorik ez dago bizikleta hartu eta bueltaxka emateko, eta hori aprobetxatuta, urtero antolatzen du Iskibi Kanpinak BTT zeharkaldia. Aurten, 10garren edizioa eginen dute, bihar zortzi izanen dena, igandez. Goizeko 09:00etan izanen da irteera, kanpinetik bertatik. Bi zirkuitu izanen dira aukeran: luzea, 43 kilometrokoa; eta motza, 30 kilometrokoa.
Izenematea, martxan
Nahiz eta egunean bertan aukera izanen den, dagoeneko eman daiteke izena internet bidez: www.kirolprobak.com. Prezioa: federatuek, 12 euro; ez federatuek, 14 euro. Horrekin, aukera izanen da larunbat gaua kanpinean pasatzeko. Gainera, 12 euroko menua prestatu dute egun horretan bertan bazkaldu nahi duenarentzat.