Haundia egin zuen Hernanik, joan den asteburuan, Gipuzkoako 2garren mailan: final fourra irabazi, eta hirugarren bukatu dute liga; eta horrekin, igoera lortu dute! Gipuzkoako maila gorenean jokatuko dute, datorren denboraldian!
«Denboraldi hasieran, igotzeko ilusioa geneukan, baina ikusita nola zijoan denboraldia, ez genuen espero borroka horretan egotea. Azkenean, 6garren postuan sailkatu ginen final fourrera, juxtu juxtu; eta kostata, baina Internacional hirugarrenari irabazi genion, finalerdietan (76-66). Finalean, berriz, espero baino errazago menderatu genuen Oiartzun (50-36). Ziurrenik, beraiek ere igoko dira, baina gure jokalariei ez nien ezer esan nahi; irabaztera atera behar genuen», kontatu du Urko Vitoriak, taldeko entrenatzaileak.
Igoera lortzea, are bereziagoa izan zen taldearentzat: «Oier Garrido gure kapitainaren despedida zen, taldean 17 urte egin ondoren; infantiletan hasi eta gaur arte. Horregatik igo nahi genuen, eta sekulako poza izan zen», azaldu du Vitoriak.
«Urte borobila», taldeak
Baina seniorrek bakarrik ez, kadeteek ere lortu dute igoera, maila partehartzailetik errendimendukora. Infantilek ere, igoerako final fourra jokatu zuten, igo ez arren. Eta jubenilak, errendimenduko ligan aritu dira: «lau talde bakarrik izan arren, urte borobila izan da».
Orain, datorren denboraldian infantilak izango direnentzat, hiru saio ireki antolatu dituzte, probatzeko: ekainaren 4an, 11n eta 12an, arratsaldeko 18:00etan kiroldegian.
Lehenengo mailan jokatuko du Hernanik, datorren denboraldian!
Kronika egunero, euskaraz eta doan jasotzen segi ahal izateko, Kronikakide gehiago behar dira, eta zer esanik ez, proiektu komunikatibo sendo eta profesional bat garatu nahi badugu.
Egin zaitez KronikaKide!
Egin zaitez KronikaKide!