Asteburu honetan izango da, Hernaniko Txalaparta Festaren 32garren edizioa; eta aurten, Joxan Artze zenaren omenez egingo dute. Gaur bertan hasiko da, 19:30etan Biterin, Mar Mar dantza konpainiaren Biraka emanaldiarekin.
Baina egun haundia, biharkoa izango da, Tilosetan.
32. TXALAPARTA FESTA
GAUR, ostirala
19:30, Biraka dantza emanaldia, Mar Mar dantza konpainiaren eskutik.
BIHAR, larunbata
12:00, Txalaparta saio libreak Tilosetan, eta Hernani Musika Eskolako alboka, dultzaina, trikitixa eta txistu taldeak kale bueltan.
14:30, Herri bazkaria, Tilosetan. Txartelak aurrez eskatzea komeni da. 16 euro dira.
17:00, Txalaparta Jaialdi Nagusia, Tilosetan: Hernaniko Bertso Eskolako bertsolariak, Saustako Zuaznabartarrak, Erbetegi-Etxeberriko Goikoetxeatarrak, Koldo eta Xabier, Biraka, Txalamako taldea, Ttikia eta Handia, eta Hernani Musika Eskolako Ttakun Ttan Ttakun.
23:00, Txalaparta Party Aparta, Goiz Argi tabernan, DJ Barruren eskutik.