Ohorezko Mailan jarraitzea jokatuko du Hernanik asteburu honetan; hil ala biziko partidua izango dute aurretik, Sevillako Ciencias taldearen kontra. Arratsaldeko 16:00etan hasita izango da, hernaniarren etxean, Landaren, zalegoaren indarraren babesarekin.
Azken bultzada, beharrezkoa
Larunbatean dena jokatuko du Hernanik, eta horregatik, azken bultzada beharrezkoa izango du. Ohorezko Mailan jarraitzea izango dute jokoan, eta nahiko berdindua dator, Cienciasen aurka aurreko asteburuan jokatutako lehiatik; 31-27 galdu zuten trikoloreek.
Hortaz, zalegoaren indarra inoiz baino beharrezkoagoa izango du taldeak, maila gorenean jarraitu nahi badu.
Txekor errea, zaleentzat
Hori aprobetxatuko du elkarteak, txekor errea burduntzian eskaintzeko. Partiduaz gozatzeko aukeraz gain, pintxoak dastatzeko aukera izango da Landareko kantinan bertan.
Aukera paregabea, beraz, partiduaz eta janaz gozatzeko. Horregatik guztiagatik, deia egin diete hernaniarrei etzi, Landarera jaitsi daitezen.