Maiatzaren bukaerarekin batera, Gazte Olinpiaden bukaera gerturatzen ari da; ekainaren 16an izango da azkeneko proba. Bide horretan, bederatzigarren proba izango dute gaur, herriko gazteek: Hipopotamo bolajalea. Gaueko 21:30etan jarri dute zita, taldeak elkartzeko; eta ondoren, gaueko 22:00etan hasiko da proba, Latsunbeberriko balio anitzetarako zelaian.
Taldekideak animatu dituzte mozorrotuta joatera.
Hiru txandatan, talde guztiak
Hipopotamo bolajalearen jolasarekin dauka zerikusia probak; gazte gehienek etxean zeukaten jolasa, hain justu. Talde bakoitzeko, hiru kidek hartuko dute parte gaurko proban: bat, hipopotamoa izango da, eta beste biak, bere laguntzaileak; hau da, bolak jaten lagunduko diotenak. Hiru txandatan jokatuko dute, bakoitzean 7-8 talderekin.
ERAMAN BEHARREKOAK
- Kuboa
- Patina
- Kaskoa (ezinbestekoa)
TXANDAK
1.TXANDA: Pabo Rangers, Pelotoia, Hankaz Gora, Joker stars; Hernani 5.0, Apatxeak, Pizti Nago, Ardi Ibili.
2.TXANDA: Kanika, Harrapazank, Air marx, Batorrela; Xatorkeitan, Karakolinpikoak, Salda parranda eta gero.
3.TXANDA: Brugalkaba, Fundamenturik ez, Konfusioa; Partidu bundista, Hortzak estutu, Axeri txiki infernu handi.
Jolasteko, kuboa, patina eta kaskoa eramatea beharrezkoa izango da, eta proba pixka bat girotzeko, taldekideak animatu dituzte mozorrotuta joatera.