‘Bilera’ berriro Oialumen, 75 urteak ospatzeko

Festa eguna izango da  la­run­ba­ta Martindegi auzoan; be­re­zi­ki, Martindegi auzoko Oia­lumen, terrazazpin. 75 urte bete dira aurten, bertan au­rre­ne­ko ‘bilera’ edo erromeria egin zenetik, eta gogora ekarriko dute, pultsu apustua, erromeria eta kontzertuekin.

Pultsua eta 60eko musikariak, arratsaldean
Jende askok egin du dantza Oia­lumen, 75 urteko ibil­bi­de­an, eta oroimenean goxo-goxo gor­detzen dituzte bertan bizi­ta­ko­ak. Hernaniko San Joan Kon­partsak, adibidez, 2010eko San Joanetan ekarri zuen gogora, terrazazpiko dantzaldi bat.

Larunbat honetan, berriro ere esperientzia bizitzeko au­ke­ra izango da. Arratsaldeko 17:30etan hasita, iganderoko erromerien pizgarri izan zen pultsu apustua egingo da berriro. Oraingoan, Danok Da­ne­na Elkartearen laguntza­re­kin, apustua egingo dute Ekaitz Kortajarenak, Jon Sasi­ainek eta Goreti Amonarrizek. Mu­sika jartzen, berriz, 60eko artistak izango dira, bueltan: Axin­txio Barrenetxea, Kana­rio, Altuna, Manolo Amena­bar, Rafa Erentxun... Eta pin­txoak eta sagardoa debalde izango dira. 

Gauean, gehiago
Dantzalekuan jarraituko du festak gauean; 22:00etatik au­rrera, besteak beste, Anje Du­hal­dek eta Gozategik joko du­te. Sarrerak salgai daude, eta Kro­nikak ere zozketatu ditu, Kroni­ka­larien artean. Telefo­noz jakinarazi zaie, irabazleei.