Astigartar berriei ongi etorria gaur, udaletxean

Udalak bultzatzen duen Ha­rrera Protokoloaren baitan, aurreko urtean bezala, Ongi Etorri saioa egingo da gaur udaletxean, Astigarragara bi­zi­tzera etorritakoei zuzenduta. Arratsaldeko 19:00etan egingo da, udaletxeko pleno aretoan.

Aurkezpenak eta luntxa
Udaletik jakinarazi dute saio honen helburua dela «Astiga­rragara bizitzera kanpotik etorri direnei ongietorria egi­teaz gain, herriak eskaintzen dituen ba­liabide eta aukerak ger­tutik azal­tzea, harreman pertsonalei garrantzia ema­nez». Azken ho­rri lotuta, «udal ordezkariak ere saiora ger­tu­ra­tzea ga­rran­tzi­tsua» dela azaldu dute, «ikus­pun­tua elkar­banatzera».

Saioa hasteko, udalbatza­ren izenean ongietorria eman­go die alkateak, ber­ta­ra­tu­takoei. Ondoren, aurreneko lau hi­la­betetan herrira eto­rri­ta­koen per­filen berri emango du Az­ti­ker enpresak. Udaleko sail eta herriko eragileen aur­kezpenak etorriko dira gero, eta etorri berrien aurkezpenak, segidan. Luntxa izango da, bukatzeko.