Buruarinen tailerrak, beste bi saio

Joan den asteazkenean egin zuen buruarin tailerra, Kaxko elkarteak; eta izan zuen «arra­kasta haundia» ikusita, beste bi saio antolatzea erabaki du: «21 haurrek hartu dute parte, eta oso polita izan da hainbeste haur zoriontsu ikustea. Tailerrak gure aurreikuspenak gainditu ditu, beste 40 haur daude apuntatuta; eta beraz, haiek ere aukera izan dezaten antolatu ditugu beste bi saio horiek», azaldu dute.

Ekainaren 13an eta 20an izango dira, Biterin, arratsalde­ko 17:00etan hasita. Bi orduko iraupena izango dute. Apunta­tu­ta daudenei, eskatu diete, azkenean parte hartzerik ez ba­daukate, abixatzeko, oraingoz tokirik ez daukaten haurrei plaza uzteko.

Era berean, eskerrak eman dizkiete; Udalari, la­guntza­ga­tik, eta Ipuintantairi, bere bu­ru­­arinak egiten erakusteagatik.