Asteburu borobila izan da pasa dena, pelotari hernaniarrentzat; bai eskuz, eta bai palaz. Bietan, bikain hasi dituzte lanak, Herriarteko Txapelketan. Palistek, final laurdenetara pasea konfirmatu zuten ostiralean, Debari berriro hiru partiduak irabazita: Aritz Murgiondok 20-9 buruz buru; Mikel Manterolak eta Mikel Urreagak 20-19 binaka; eta Aritz Arregik 20-15 zazpi barruan.
Orain, Azkoitia izango dute kontrario, final laurdenetan; joanekoa han, datorren larunbat arratsaldean.
Ederki hasi dituzte lanak, esku pelotariek ere. 2-1 irabazi zioten Altzori, joanekoan, haien frontoian: Unax Uitzi eta Mikel Lasa kadeteek 22-14 irabazi zuten; Xabier Salaberria eta Ekaitz Insausti jubenilek, berriz, 6-15etik 13-15era gerturatu arren, 14-22 galdu zuten azkenean; baina Paul Ojuel eta Eneko Aizpitarte seniorrak, oso nagusi izan ziren hirugarrenean, eta 22-6 irabazi zuten. Bueltakoa, datorren asteburuan Hernanin.
Eta ondo ekin dio hirukote hernaniarrak, palako Estatuko Trinkete Txapelketan ere: irabazi egin zuten Miren Goikoetxeak, Maider Huizik eta Ariane Arrietak, Auñamendiren kontra: 15-14 irabazi, 9-15 galdu, eta desenpatean 10-9 irabazi.
Tilos 7 Pasa txapelketan, final zortzirenak gaurtik
Eta Hernanin bertan, azkeneko fasean sartu da Tilos 7 Pasa txapelketa. Gaurtik ostegunera jokatuko dituzte final zortzirenak, lehenengo eta bigarren mailan. 15 partidu izango dira aste honetan, guztira.
ASTE HONETAKO PARTIDUAK
Gaur, astelehena
18:00, Loidi-Amas/Galdos-Elizazu
18:45, Agirre-Mendigain/Etxeberria-Loidi
19:30, Kerejeta-Gastesi/Lujanbio-Lujanbio
20:15, Ekhi-Dani/Iraola-Agirre
Bihar, asteartea
18:00, Larralde-Del Horno/Elejalde-Navarro
18:45, Arregi-Urreaga/Luixa-Luixa
19:30, Iriarte-Gamio/Arana-Berebide
20:15, Lizasoain-Otaegi/Ferreiro-Juarez
Etzi, asteazkena
18:30, Manterola-Arandia/Bengoetxea-Izquierdo
19:30, Ruiz-Arluziaga/Berho-Arizmendi
20:15, Goia-Zurutuza/Loitegi-Arozena
Maiatzak 24, osteguna
18:00, Salaberria-Zubimendi/Xenki-Andutz
18:45, Zabala-Murgiondo/Legarreta-Legarreta
19:30, Iparragirre-Martin/Eskudero-Beloki
20:15, Gereñu-Arroniz/Arregi-Manterola