Etxegiatarrak txapeldun eta azpitxapeldun, Gipuzkoan

Maiatzaren aurreneko asteburuan jokatu ziren Trinketeko Kluben Arteko Gipuzkoako Txapelketaren emakumezkoen paleta argentinarreko finalak, eta bertan izan ziren bi goizuetar: Mirari eta Xole Etxegia ahizpak. Aurrenekoa izan zen txapelduna Ramuntxo 1 taldea ordezkatuz, Leire Aizpururekin batera. Xole, al­diz, azpitxapeldun izan zen Itxaso Erasunekin batera, Ramuntxo 2 izenez. 30-29 egin zuten, aurrez aurre.