Denboraldiko azken neurketa jokatu zuen Mundarrok pasa den astean Mariñon aurka Irunen. Bana berdindu zuten eta zortzigarren postuarekin eman zion Mundarrok amaiera denboraldiari. Orain jokalariek oporrak hartuko dituzte datorren denboraldira arte.
Partiduan ez zegoen ezer berezirik jokoan, baina Astigarragako taldeak hasieratik azaldu zuen irabazteko nahia. Hasierako 15 minututan taldeari kosta egin zitzaion lekua ongi hartzea. Hortik aurrera Mundarro nagusitu zen eta jokaldi politak burutu zituen, batez ere hegaletatik iritsita.
Bigarren zatiaren hasieran partiduak berdin jarraitu zuen, moreak ziren baloiaren jabeak. Horren ondorioz Ivanen pase oso on baten ondoren Gutik atezainaren aurrean ez zuen hutsik egin eta 0-1 aurreratu ziren astigartarrak. Hala ere, lau minutun faltan aldaratze txar batek etxekoen berdinketa ekarri zuen.
Bigarren taldeak, gaur 16:00etan, Zarkumendegin final erdiak jokatuko ditu
Talde desberdinak denboraldia amaitzen ari dira, baina oraindik badago futbola. Bigarren taldea Kopa ari da jokatzen eta final erdietara igarotzea lortu zuen penaltietan. gaur, Trintxerpe izango du aurkari finalaren bila.