Hemezortzi urte beteko ditu Kronikak datorren ekainaren 24an, eta adin nagusi den honetan, aurrera egiteko nahia eta beharra dauka. Eta hori ezin da egin, irakurle eta herritarren laguntzarik gabe; hau da, Kronikalarien babesik gabe.
«Memoria gorde, oraina bizi eta etorkizuna eraikitzen jarraitzeko»
2000. urtean sortu zuen Hernaniko Kronika Dobera Euskara Elkarteak, hiru helbururekin: herriko eta herritar guztien informazioa era objektiboan zabaltzea, informazio hori euskeraz ematea eta euskeraren normalkuntzan eragitea.
Orduan, astean lau aldiz argitaratzen zen, eta hiru langile aritzen ziren. Egun, hamar langile dauzka, eta papereko hiru produktuez gain (Hernaniko, Astigarragako eta Urumeako Kronikak), Interneten ere badago irakurtzeko aukera.
Eta hobetu egin nahi du Kronikak datozen urteetan ere. Horretarako, «memoria gorde, oraina bizi eta etorkizuna eraikitzen jarraitzeko», ezin bestekoa da zuen laguntza, Kronikalariena.
Portzentajeak, behera
2003koak dira bazkideen aurreneko datuak. Orduan, aurrekontuaren %12a lortzen zen Kronikalarien aportazio ekonomikoetatik. Orain, ordea, %4 besterik ez dator bide honetatik. Hain zuzen, 27.306 biztanle dituen Urumeako bailaratik, 400 besterik ez dira Kronikalariak, oraindik ere.
25 euroan, hainbat abantaila
Irakurle gisa, Kronika proiektua babesteaz gain, diruz lagundu nahi duenak, hau da, Kronikalari izan nahi duenak, orain dauka aukera. 25 euroren truke, proiektuak aurrera egin dezan lagunduko du, baita hura hobetzen ere. Gainera, hainbat abantaila izango ditu. Hortaz, zeren zain zaude? Egin zaitez Kronikalari!
Informazio gehiago, Kronikan
Informazio gehiago nahi duenak hainbat bide ditu: telefonoz, 943 33 08 99 zenbakian; emailez; kronika@kronika.eus helbidean; edo Interneten, www.kronika.eus web orrian.
ABANTAILAK
- Errenta aitorpenean dedukzioa.
- Prezio bereziak aurrez zehaztutako ekitaldietan.
- Zozketak: aurrerantzean Kronikalarien artean bakarrik izango dira.
*Gogoratu Dobera-Kronikak bazkideak dagoeneko badirela Kronikalari.
https://www.youtube.com/watch?v=4cIlW3YAwoY&t=
https://www.youtube.com/watch?v=VUdIFWcoilM&feature=youtu.be
https://www.youtube.com/watch?v=svILd8_7ps4
https://www.youtube.com/watch?v=TIX10_7TNpU
https://www.youtube.com/watch?v=NXDp80z0Zzk&feature=youtu.be