Bazkide kanpaina abiarazi du Arraun Elkarteak herritarrek eta kirolariek denek batera norabide berean arraun egitera bultzatzeko. Zure laguntza ere behar dugu lelopean hasi dute beren kanpaina aurten.
Urtean 20 euroko aportazioa eginez gero, hainbat abantaila iragarri ditu Elkarteak, beren helburuak lortzeko laguntza eskaintzeaz gain.
Hainbat abantaila eta opari bat
Bazkideei hainbat abantaila eskaintzen dizkie Arraun Elkarteak: deskontuak klubak salgai dituen produktuetan; %5eko deskontua Iparragirre sagardotegian; eta 5 euroko deskontua Onddi akademian.
Bestalde, aurten zapi berde bana emango diete bazkideei, estropadetan erabili ditzaten. Ekainaren erdialdean egiten duten traineruaren aurkezpenean hasiko dira banatzen.
Formularioa, webgunean
Bazkide egin nahi duenak hernaniarrauna.com webgunean dagoen formularioa bete beharko du.