Prentsa oharra bidali du EAJ-PNVk, Hernaniko frontoian agertu diren pintaketen aurrean. «Gure gaitzespen irmoa adierazi nahi diegu demokratak iraintzen dituzten testuei», azaldu dute.
Jeltzaleek adierazi dute ikusi dutela «gure herrian iraganeko portaeren arrastoak geratzen direla, egungo errealitatearekin zerikusirik ez dutenak», eta gehitu dute EAJ-PNVk lanean segiko duela, «elkarbizitzaren alde eta pentsaera desberdina, erlijio desberdina, azaleko kolore desberdina dutenekiko errespetuaren alde». Bukatzeko, diote: «beti biktimen alde egongo gara».