75 urte beteko ditu Oialume biltokiak, eta urteurren borobila ospatzeko, kontzertu berezia antolatu dute, maiatzaren 26an: Eider eta Lierni trikitilariek, Anje Duhaldek eta Gozategi taldeak joko dute, gaueko 22:00etan hasita.
Eta sarrerak, dagoeneko salgai daude, 12 euroan: Hernanin, Kixkal tabernan; eta online ere bai, musikazale.com webgunean.
Baina horrez gain, Dobera Euskara Elkarteak eta Kronikak ere zozketatuko dituzte, bi sarrera bikoitz, Kronikalarien artean. Maiatzaren 22an izango da zozketa, orduan Kronikalari direnen artean; eta beraz, nahi duenak egun horretara arte dauka aukera, Kronikari lagundu, eta bide batez, zozketan sartzeko.
Kronikalari egiteko, emaila idatzi behar da kronika@kronika.eus helbidera; edo telefonoz deitu, 943 33 08 99 zenbakira. 25 euro dira, urtean.
Gogoratu, Dobera-Kronikako bazkide laguntzaileak, dagoeneko badirela Kronikalari.