Zazpigarren aldiz egingo dute Ilar Eguna bihartik igandera eta Azoka bereziak emango dio bukaera, asteari. Kanpotarrak erakartzeko balio izan du hein batean, eta Baratz Elkarteak Udalaren babesarekin antolatzen du. Bihar hasiko da, pintxo-potearekin.
Ilarra herrian zela, «frogatuta»
Aurkezpenean, Zorione Etxezarraga alkateak jardunaldiaren hasierak gogorarazi zituen. 2012an burutu ziren aurreneko aldiz eta ilarraren garrantzia aipatu zuen: «indusketek frogatu dute Astigarraga betidanik egon dela lotuta ilarrarekin».
Charo Zapiain sukaldariaren esanetan: «lehen, esaera batek zion ‘Astigarragan, jan; eta Donostian, lo’». Eta horretan, ilarrak garrantzia nabarmena izan du: «sukaldean, ilarra inportantzia bizikoa izan da. Produktu txikia da, koloretsua, zaporetsua... baina zaila!». Horregatik, «lanean» jarraitu behar dela argi dauka.