Sabelarekin mundua konkistatzeko, dastaketa

Bost kontinenteetatik lautan barrena, behinik behin, bi­daia­tzeko aukera emango du gaur Amher elkarte multikul­tu­ralak, baina Hernanitik mugitu gabe.

Eguraldiak laguntzen badu Plaza Berrin, eta bestela, Atse­gindegin, hainbat herrial­de­tako jaki eta edariak dasta­tze­ko jaialdi gastronomikoa egin­go da 12:00etatik 14:00etara.

Bourak, chamilla, pastaflora edota chicharrita
Denera, 20 bat herrialdetako ohiko platerak probatzeko aukera izango da gaurkoan. Gehienak, Hego Amerika edo Ertamerikakoak izango dira: Argentina, Bolivia, Kolonbia, Kuba, Txile, Ekuador, Hon­du­ras, Nikaragua edota Domi­nikar Errepublikakoak.

Baina izango dira beste kon­tinenteetakoak ere: Afri­katik, Argelia, Mali, Maroko edota Sahara; Asiatik, Mon­go­lia edota Pakistan; eta Euro­patik, Errusia, Irlanda edota Katalunia. Eta baita Euskal Herria ere.
Horrela, kulturen arteko ezagutza bultzatzeko eta ha­rremanak egiteko aukera pa­re­gabea izango da. Ba al daki­zu zer diren bourak, cha­mi­lla, pastaflora, chicharrita, guati­ta edota seffa? Gaur dakazu, ikasteko aukera!