Bihar jokatuko du Mundarrok, Eskoriatzan, Gipuzkoako 1go mailari eusteko partidu erabakigarria. Arratsaldeko 17:00etan izango da, Manuel Muñoz kiroldegian, eta esperantza badute Aitor Lopezen neskek, helburua lortzeko. Izan ere, ez dituzte batere gaizki hasi lanak: joaneko partiduan, Astigarragako kiroldegian, 52-40 irabazi zioten Eskoriatzari; eta beraz, 12 puntuko aldea defendatu behar dute bihar.