etzitik maiatzaren 16ra tabernak zientziaz beteko dira laugarren urtez ospatzen den Pint of Science jaialdian, ikertzaileen lana eta gizartea uztartzen dituen jaialdian. Deiadar gehien duen zientzia-dibulgazio proiektu honek ikerlariak eta jendartea tabernetan elkartzea proposatzen du. Zita etzi, asteartean eta asteazkenean izango da Espainiako 56 herrialde ezberdinetan. Horietatik lau Euskal Herrian izango dira: Bilbo, Gasteiz, Donostia eta Ondarroa.
Aurtengo jaialdia marka haustera dator: 308 ekitaldi 105 tabernetan, 730 zientzialari hizlari izanda eta 400 bolondres antolaketa lanetan. Programa osoa Pint of Science web ofizialean kontsulta daiteke https://pintofscience.es/.
«Zientziak asko du kontatzeko eta modu gertuan egin nahi du, ikerkuntzarekiko grina erakusten duen edozein pertsonaren aurrean, hain ohikoak diren lekuetan: tabernetan, alegia. Hori baita Pint of Science: ikertzaileak eta jendartea elkartzeko eta elkarrizketatzeko parada gustokoen duzun edariaren aurrean», Jorge Bueno, jaialdiaren koordinakunde nazionaleko arduraduna.
Altxerri, Alboka, La Cripta-Convent Garden eta PuntuDenda, Donostian
Hizkuntza ulergarri eta gertukoan, gizon eta emakumeek beraien lanaren inguruan jardungo dira zientziatik hurrun dagoen ikuslegoaren aurrean.
Guztira, lau dira espazioa utzi duten taberna edo lokalak: Altxerri, non hizkuntza eta neurozientziak izango dituen mintzagai, Alboka, arkeologia, ekologia eta biologiaz solastuko dena, La Cripta-Convent Garden sukaldatzearen zientziaz hitz egingo den espazioa eta azkenik, PuntuDenda, Donostiako Sustapenak utzitako espazioa, bertan kimika, fisika eta osasun-zientzien inguruan ariko dira.
Donostia izan zen jaialdi honen aintzindarietako bat, beste zortzi hiri-herrirekin batera.