Gure Izarra elkarteak antolatuta, 80 urtetik gorako astigartarrei omenaldia egingo diete bihar. Eguerdiko 12:45etan hasiko da ekitaldi nagusia, Txomiñenea frontoian: aurrena meza izango da; ondoren, Aiztondo abesbatzaren eta Astigar dantza taldeko dantzarien emanaldia, eta 14:30etan, bazkaria, opariak banatzea eta Alberro anaien soinu emanaldia, Gure Izarra elkartean.
Aurretik, diana izango da Txirriskla taldeko txistularien eskutik (09:30etan), eta txaranga, 11:30etan.