Autodefentsa feminista tailerra eginen dute Goizuetan, 14 urtetik gorako emakumeentzat, maiatzaren 25 eta 26an. Udaletxean izanen da: ostiralean 17:00etatik 20:00etara, eta larunbatean 09:30etatik 13:30etara.
Eta bertan parte hartzeko, maiatzaren 20a baino lehen apuntatu behar da: 948 51 08 40 telefonora deitu, edo whatsapp bidez idatzi 674 086 926 zenbakira. Doakoa izanen da, Berdintasun Batzordeak antolatuta; eta landuko dira: ahizpatasuna, erresilientzia, ahalduntzea, eskubideak, ongizatea...
Berdintasun Plana berritzen, Leitzaldeako udalak
Egun hauetan, bestalde, Berdintasun Plana berritzen ari da, Goizueta, Arano, Leitza eta Aresoko Berdintasun Batzordea. Aurreko plana aztertu dute, eta partehartze prozesua martxan jarri: banakako elkarrizketak, eta eztabaida taldeak. Horietan jasotako ekarpenekin osatuko dute plan berria, udarako.