Baloiarekin jolasean, kale edo bale!

Aldaketa batzuekin, baina Hernaniko Gazte Olinpia­de­ta­ko gaurko probaren oinarria, Baloi Eseria jolasa izango da.
Talde bakoitzeko lau kidek jokatuko beharko dute, eta 21:30tean biltzeko zita jarri dute; azken aldaketa bat medio, kiroldegiko frontoian egingo da guztia. Jolasa, 22:00etan hasiko da, eta taldeko ka­mi­xe­ta jantzita eraman behar da.

Baloi urdin eta gorriak, une alai eta larriak
Bi txandatan jolastuko da gaurkoan. Aurreneko txandan 10 talde ariko dira; 80 jokalari, beraz. Bigarrenean, gainon­tzeko 11 taldeak.
Jokalari guztiek borobilean zutik jarri beharko dute, eta ba­­loiak pasako dizkiote elka­rri. Bi koloretako baloiak izan­go dira, ordea, batak besteari pasa beharrekoak, eta arris­kua ez da berdina izango, ba­tarekin edo bestearekin. Baloi urdinak 4 izango dira. Honek jotzen duena, ez badu esku­e­tan eustea lortzen, lurrean ese­ri beharko da. Baloi hori airean hartzea lortzen duenak, be­rriz, aukera izango du jolasten segitzeko; beste norbaiti pasa beharko dio. Baloia har­tzea lortu ez duena eta eseri dena, bueltan altxatzen saiatu beharko da. Baloia hartu eta beste bati pasa be­harko dio horretarako, eta ahalik eta azkarren egiten saiatu beharko du, momentu batean eserita dauden jo­ka­la­ri­ak kanpora­tuak izango baitira.

Jolasaren azken minu­tue­tan, berriz, baloi gorria, bakarra, sartuko da jokoan. Honek jotzen duena zuzenean kaleratua izango da.

Zutik mantentzen dena, txapeldun
Jolaserako txandak 20 minu­tu­koak izango dira, baina jo­la­sa bukatu daiteke lehenago, zu­tik jokalari bakarra gera­tzen bada. 
Finalak, zutik geratzen di­ren jokalarien taldeen artean jo­katuko dira; txanda ba­koi­tze­ko hiru talderen artean. Fi­na­lak, berriz, ez du denbora mu­garik izango: zutik man­ten­tzen den azkenak irabaziko du.