Puntu bat eskuratuta, azken partidu berdindua etxean

Pixkanaka kirol desberdine­ta­ko Ligak bukatzen ari dira, eta  horretan ari da, besteak beste, Mundarroko Preferenteen Ma­ila­ko taldeak. Hain zuzen, az­keneko partidua jokatu zuen etxe­an larunbatean, Martute­neko mutilen kontra. 1-1 bu­katu zuten norgehiagoka, eta beraz, puntu bana eskuratu zuen bakoitzak.

Aurreneko zatian, astigartarrak nagusi
Orokorrean, nahiko partidu ore­­­katua izan zen, bi aldeen­tzat. Dena den, hasiera-hasie­ratik kanpotarrek izan zuten au­­kera garbiena. Batez ere, mo­reek akats larria egin zutelako, baina Martutenekoek ez zuten asma­tzen jakin, eta beraz, ez zuten jokaldia borobildu. 

Hortik aurrera, gutxinaka etxe­koak nagusitzen hasi ziren, defentsan hobeto kokatu ziren, eta erasoan, aldiz, baloia askoz ere hobeto mugitzen hasi ziren aurkako porteriara errazago gerturatuz.

Eta bilakaera horren on­dorio izan zen, hain zuzen, au­rreneko gola. Markagailua es­treinatu zuten etxekoek, Gran­deren korner bati esker.

Bigarren zatian, gainbehera
Mundarrokoek behera egin zuten atsedenalditik bueltan, bigarren zatian. Nahiz eta au­kera garbirik ez izan, kanpo­tarrak hobeto ibili ziren, oro­korrean.

Gainera, berdinketara era­man zituen gola penaltiz lor­tu­takoa izan zen (1-1).