Estua, lehiatua eta polita izan zuen final haundia, Ur-Miako Mus Txapelketak. Joan den larunbatean jokatu zen, elkartean bertan, eta azkeneko ustelean nagusitu ziren Jose Ignacio Otxotorena eta Mikel Armendariz, Pako Leonet eta Angel Leonet lehengusuen kontra: 4-3, eta txapela beraientzat.
Lehiarik ez zen falta izan, hirugarren posturako partidan ere. Seigarren ustelean irabazi zieten, Julian Agirrek eta Jexux Ezeiza Tutuk (4-2), Joxe Lasarte eta Arnaitz Lasarte aita-semeei.
33 lagun, elkarteko afarian
Bi partida erabakigarriak bukatutakoan, banatu zizkieten sariak, zortzi protagonistei, eta baita txapelak jantzi ere, txapelketako bi muslari onenei!
Eta segidan, ospatu zuten Ur-Mia elkartearen urteko afaria, bertan. Guztira, 33 lagun elkartu ziren, umore ederrean bapo afaltzeko.